البلّووووشي مافي احلى منّو

من نحن

 

السلام عليكم ورحمه الله وبركاته

بسم الله الرحمن الرحيم والصلاه والسلام على اشرف المرسلين سيدنا محمد وعلى آله وصحبه وازواجه اجمعين

 

طيب .. مين أنا ؟؟ ...

أنا صاحب الموقع ... انا تخصصي بعيد عن الكمبيوتر تماما. القصه بدأت لمن جيت ابيع سيارتي عن طريق موقع من المواقع اضطريت ادفع مبلغ وقدره واذا بدي اميز اعلاني ادفع مبلغ تاني ... زعلت عل الاخر ...  فقررت اعمل موقع تعلن فيه مجانا وتميز اعلانك مجانا وسميتو ... بلّوووشي .... اسم على مسمى .. وبالتالي اساعد كل البشر تعلن مجانا واذا كان فيه مبلغ يندفع للموقع فراح يكون مبلغ رمزي جدا جدا لتمييز الاعلان لا يقارن بالمبالغ الخياليه اللي تطلبها المواقع التانيه وتقدرو تتاكدو بنفسكم .. وبالتالي اساعد كل المعلنين وبالذات التجار الصغار والشباب على الاعلان بلوشي .. وشعارنا اعلانات مجانيه للكل ..

 

دا الموقع اخد منّي ثلاث سنوات .. مع شركه صغيره وممتازه بعيده عنّي الاف الكيلومترات وكنا نتواصل بالايميلات ... طبعا الآف الايميلات تروح وتجي ومئات من الساعات من الجهد والاختبارات الين ماقدرنا ولله الحمد نطلع بالشغل دا ونعطيه هديه للكل .. يعني لا شركات ولا متخصصين ولا فريق عمل .. كلنا على بعضهم خمسه اشخاص فقط ... وانتهينا بموقع من اجمل وافضل المواقع ان لم يكن احسنها،  سهل للكل للصغير والكبير وباقسام خاصه للطلاب واقسام خاصه للنساء فقط تقدرو تستخدموه بسهوله وتتصفحو فيه من جوالاتكم وتعلنو فيه من جوالاتكم في اقل من دقيقه .. وفوق دا ..  اكيد بلّووووشي ..

 

ودحين المشروع دا بين يد الجميع هديه للكل وأسأل الله ان ينفع به العباد والبلاد وانشالله تنبسطو فيه ويفيدكم .. اتمنى انكم تقرأو دليل الاستخدام ونصائح السلامه وشروط الاستخدام وسياسه الخصوصيه قبل ما تبدؤ عشان هادي اشياء مهمه ...ولسه في افكار جديده جدا وخطيره جاتني في بالي راح تكون قريبا مضافه للموقع وعلى الجوالات انشاء الله وراح تفيد الكل بحول الله ... هادا غير التطبيق اللي راح يكون متوفر قريبا بمشيئه الله وراح يكون شي عجيب  ... اذا في ملاحظات بلغوني على الرابط "اتصل بنا" وانا انشالله راح اقراها بنفسي عشان اوفرلكم احسن خدمه ممكنه على قدر استطاعتي او اتصلو بنا هاتفيا .. الرجاء الضغط على "قسم اتصل بنا"

 

لاتنسو في الأخير تنشرو الموقع للي تعرفوهم وتساعدو الناس في الاعلان بلوووشي وارجو من الله عز وجل ان يجعل في هذا الموقع الخير والبركه للجميع ... وخليكم فاكرين .... البلّوشي مافي أحلى منّو .... والبلّوشي حبيب الشعب